Նորություններ - Հայտարարություններ - Թարմացումներ

«ԽՍՀՄ կազմավորման հարյուրամյակ. նոր մեկնաբանություններ և մոտեցումներ» խորագրով միջազգային գիտաժողով

Նոյեմբերի 29-ին Մոսկվայում իր աշխատանքն սկսեց «ԽՍՀՄ կազմավորման հարյուրամյակ. նոր մեկնաբանություններ և մոտեցումներ» միջազգային գիտաժողովը, որը կազմակերպել էին ՌԴ ԳԱ համաշխարհային պատմության ինստիտուտը և Ռուսաստանի պատմագիտական ընկերությունը:

«Արցախյան հիմնախնդիրը արդի քաղաքական գործընթացների հոլովույթում» թեմայով գիտագործնական կոնֆերանս

Նոյեմբրի 26-ին Արցախի Հանրապետության Ազգային ժողովի նիստերի դահլիճում կայացավ «Արցախյան հիմնախնդիրը արդի քաղաքական գործընթացների հոլովույթում» գիտագործնական կոնֆերանսը, որը կազմակերպել էին Արցախի ԿԳՄՍ-ն և ՀՀ ԳԱԱ պամության ինստիտուտը:

ՇՆՈՐՀԱՎՈՐ ԳԻՏՈՒԹՅԱՆ ՕՐԸ ՀԱՅ ՊԱՏՄԱԲԱՆ

Նոյեմբերի 10-ին համաշխարհային հանրությունը նշում է «Գիտության համաշխարհային օրը»։ Այն պաշտոնապես սահմանվել և ներդրվել է միջազգային հեղինակավոր կազմակերպություններից ՅՈՒՆԵՍԿՕ-ի կողմից 2001 թ., պաշտոնական անվանումն է՝ «Գիտության համաշխարհային օր հանուն խաղաղության և զարգացման»։ Գիտական հանրությունը գիտության համաշխարհային օրը սկսել է նշել 2002 թվականից, երբ նոյեմբերի 10-ին աշխարհի տարբեր անկյուններում կազմակերպվեցին գիտագործնական զանազան միջոցառումներ․ կլոր սեղաններ, թեմատիկ քննարկումներ և համաժողովներ, դասախոսություններ և սեմինարներ, թանգարանային ցուցահանդեսներ և այլն։
Օրվա խորհուրդն է՝ ընդգծել գիտության և գիտնականի կարևոր դերը հասարակության մեջ, ապահովել հանրության տեղեկացվածությունը գիտական նվաճումների մասին, նաև փորձել ներգրավել հասարակության լայն շերտերին գիտական տարբեր խնդիրների քննարկմանը։

«Օտար աղբյուրները հայկական գաղթավայրերի մասին» խորագրով առկա և առցանց միջազգային գիտաժողով

2022 թվականի նոյեմբերի 8-ին ՀՀ ԳԱԱ պատմության ինստիտուտի նիստերի դահլիճում տեղի ունեցավ «Օտար աղբյուրները հայկական գաղթավայրերի մասին» միջազգային 3-րդ գիտաժողովը, որը նվիրված էր Հալեպի «Քարէն Եփփէ» ազգային ճեմարանի հիմնադրման 75-ամյակին։  

  

Կլոդ-Արմեն Մութաֆյան֊80

2022 թ. նոյեմբերի 1-­ին, ՀՀ ԳԱԱ պատմության ինստիտուտի նիստերի դահլիճում տեղի ունեցավ Գիտությունների Ազգային Ակադեմիայի ար­տասահմանյան անդամ, պատմական գիտությունների դոկտոր Կլոդ-Արմեն Մութաֆյանի «Երուսաղեմը եւ հայերը՝ մինչեւ օսմանյան տիրապետություն (1516 թ.)» գրքի շնորհանդեսը։

ԳՐՔԻ ՇՆՈՐՀԱՆԴԵՍ

ՀՀ ԳԱԱ նախագահության նիստերի դահլիճում տեղի ունեցավ Պարույր Հակոբյանի «Տառապանքներով լեցուն կյանքիս մասին» հուշագրության շնորհանդեսը։

Գիրքը հանգամանորեն ներկայացրեց հուշագրության առաջաբանի և ծանոթագրությունների հեղինակ, ՀՀ ԳԱԱ պատմության ինստիտուտի տնօրեն, ակադ. Աշոտ Մելքոնյանը։

Ելույթներով հանդես եկան ակադ. Յուրի Սուվարյանը, պրոֆեսոր Գևորգ Ստեփանյանը, պ.գ.թ .պ.գ.թ., դոցենտ Համո Սուքիասյանը, գիտաշխատող Արմեն Ասատրյանը։ Նրանք ընդգծեցին գրքի բացառիկ կարևորությունը Հայաստանի  20- րդ դարի առաջին քառասնամյակի պատմության ուսումնասիրության բնագավառում։ Ամփոփիչ խոսքով հանդես եկավ գրքի հեղինակի որդին՝ ՀՀ ԳԱԱ ակադեմիկոս Վիլեն Պարույրի Հակոբյանը։