2019 թ. հոկտեմբերի 25-27-ին ՀՀ Պաշտպանության նախարարության առնընթեր Հասա­րակական խորհուրդը (նախագահ ՀՀ Պաշտպանության նախարար Դավիթ Տոնոյան) համա­կարգող և նախարարի խորհրդական Գեղամ Հարությունյանը խորհրդի անդամների հետ կազ­­մա­կերպեց այցելությունը Արցախի Պաշտպանության բանակի զորամասերը: Դա­սախո­սական անձնակազմում ընդ­գրկ­ված էին 27 հոգի, որոնց թվում՝ ՀՀ ԳԱԱ պատմության ինս­տիտուտի գի­տական աշխատողները տնօրեն, ակադե­միկոս Աշոտ Մելքոնյանը, պատմական գիտությունների դոկ­տորներ Համլետ Հարու­թյուն­յա­նը, Վահան Մելիքյանը, Արմեն Մարուք­յանը, Գայանե Մախմուրյանը, Գևորգ Ստե­փանյանը, Ռուբեն Սահակյանը, պատմական գիտությունների թեկնածու­ներ Մարիամ Հովսեփյանը, Անահիտ Խոս­րո­ևան, Գուրգեն Վարդանյանը, Վահե Սարգսյանը, ինչպես նաև բուհական և գիտական հաս­տատությունների դասախոսներ:

Հովհաննես Թումանյան -150 գիտաժողով Հոկտեմբերի 21-ին ՀՀ ԳԱԱ նախագահության նիստերի դահլիճում բացվեց «Հովհաննես Թումանյան-150» գիտաժողովը։ Լիագումար նիստում լսվեց յոթ զեկուցում։ Ակադեմիկոս Աշոտ Մելքոնյանը զեկուցեց «Հովհաննես Թումանյանը և հայոց պատմությունը» թեմայով։

Գերմանիայի Լայպցիգի համալսարանի Արևելյան Եվրոպայի պատմության ու մշակույթի ինստիտուտի և ՀՀ ԳԱԱ պատմության ինստիտուտի  համագործակցությամբ տեղի կունենա գրքերի շնորհանդես («Հայերը Արևելյան Եվրոպայում»):

Ստավրոպոլում հոկտեմբերի 10-ին մեկնարկեց «Կովկաս-Ռուսաստան-Եվրոպա. երկխոսության և համագործակցության տարածք» միջազգային գիտաժողովը շուրջ երկու տասնյակ երկրների պատմաբանների մասնակցությամբ։

Արցախի երիտասարդ գիտնականների ու մասնագետների միավորում» ՀԿ-ի նախաձեռնությամբ սեպտեմբերի 13-15-ը Ստեփանակերտում կազմակերպվեց «Հայոց պետականության անցյալը, ներկան ու ապագան» միջազգային 4-րդ երիտասարդական գիտաժողովը, որը նվիրված էր Երևանի պետական համալսարանի հիմնադրման 100-ամյակին և նպատակ ուներ քննարկելու հայոց պետականության` մասնավորապես վերջին հարյուրամյակի հիմնախնդիրները, ձեռքբերումները, հեռանկարային զարգացման գերակայությունները, բացահայտելու երիտասարդ հետազոտողների գիտական ներուժը և երիտասարդացնելու գիտությունը: Գիտաժողովի համակազմակերպիչներն էին ԵՊՀ-ն ու Արցախի Մեսրոպ Մաշտոց համալսարանը:

Օգոստոսի 7-ը ասորիների ցեղասպանության զոհերի հիշատակի օրն է: Ամեն տարի այս օրը աշխարհով մեկ սփռված ասորիները իրենց հարգանքի տուրքն են մատուցում Առաջին աշխարհամարտի տարիներին եղբայրական հայ և հույն ժողովուրդների հետ մեկտեղ թուրքական յաթաղանին զոհ գնացած շուրջ 750 հազար ասորի նահատակվածների հիշատակին: 

2019 թ. սեպտեմբերի 25-ին ՌԴ ԱԳՆ Միջազգային հարաբերությունների Մոսկվայի պետական ինստիտուտի (МГИМО) գիտական աշխատանքների գծով պրոռեկտոր, պ.գ.դ., պրոֆեսոր  Ե. Մ. Կոժոկինի պաշտոնական հրավերով ինստիտուտի փոխտնօրեն, պ.գ.դ., պրոֆեսոր Կարեն Խաչատրյանը մասնակցել է Մոսկվայում տեղի ունեցած «Եվրասիական ինտեգրացիոն գործընթացները կրթության ոլորտում. ռուսերենով գիտահրատարակչական գործունեության խնդիրներն ու հեռանկարները» թեմայով միջազգային համաժողովին: