ՄՈՍԿՎԱՅՈՒՄ ՍՏՈՐԱԳՐՎԵՑ ԳԻՏԱԿԱՆ ՀԱՄԱԳՈՐԾԱԿՑՈՒԹՅԱՆ ՄԱՍԻՆ ՀԱՄԱՁԱՅՆԱԳԻՐ ՀՀ ԳԱԱ ՊԱՏՄՈՒԹՅԱՆ ԵՎ ՏԱՋԻԿՍՏԱՆԻ ԳԱԱ ՊԱՏՄՈՒԹՅԱՆ, ՀՆԱԳԻՏՈՒԹՅԱՆ ԵՎ ԱԶԳԱՐՈՒԹՅԱՆ ԻՆՍՏԻՏՈՒՏՆԵՐԻ ՄԻՋԵՎ

2017 թ. սեպտեմբերի 27-ին Մոսկվայում ԱՊՀ պատմության ինստիտուտների միջազգային ընկերակցության նիստի շրջանակներում գիտական համագործակցության մասին համաձայնագիր ստորագրվեց ՀՀ ԳԱԱ պատմության և Տաջիկստանի ԳԱԱ պատմության, հնագիտության և ազգագրության ինստիտուտների միջև: Հանդիսավոր պայմաններում համաձայնագիրը ստորագրեցին ինստիտուտի տնօրեններ Ա. Մելքոնյանը և Զ. Ակրամին:

ԻՆՍՏԻՏՈՒՏԻ ՏՆՕՐԵՆ, ԱԿԱԴԵՄԻԿՈՍ Ա. ՄԵԼՔՈՆՅԱՆԸ ԵՎ ՓՈԽՏՆՕՐԵՆ, Պ.Գ.Դ., ՊՐՈՖ. Կ. ԽԱՉԱՏՐՅԱՆԸ ՄՈՍԿՎԱՅՈՒՄ ՄԱՍՆԱԿՑԵՑԻՆ ՄԻՋԱԶԳԱՅԻՆ ԳԻՏԱԿԱՆ ԿՈՆՖԵՐԱՆՍԻ ԵՎ ՀԵՏԽՈՐՀՐԴԱՅԻՆ ՏԱՐԱԾՔԻ ԵՐԿՐՆԵՐԻ ՊԱՏՄՈՒԹՅԱՆ ԻՆՍՏԻՏՈՒՏՆԵՐԻ ՂԵԿԱՎԱՐՆԵՐԻ ՀԵՐԹԱԿԱՆ ԽՈՐՀՐԴԱԿՑՈՒԹՅԱՆԸ

2017 թ. սեպտեմբերի 27-28-ին Մոսկվայում անցկացվեց «1917 թ. հեղափոխությունը և նրա տեղը 20-րդ դարի պատմության մեջ» միջազգային գիտաժողով, որի հանդիսավոր բացումը և լիագումար նիստը տեղի ունեցավ Մոսկվայի միջազգային հարաբերությունների պետական ինստիտուտում, իսկ աշխատանքները շարունակվեցին ՌԴ Գիտությունների ակադեմիայի նախագահության շենքում:

Թեկնածուական ատենախոսության պաշտպանություն` Վրեժ Հարությունյան.« Բարեգործական ընկերությունների և բարերարների գործունեությունը Շուշիում XIX դարի երկրորդ կեսին և XX դարի սկզբին»

2017 թ. նոյեմբերի 14-ին ՀՀ ԳԱԱ պատմության ինստիտուտում տեղի ունեցավ ինստիտուտում գործող ԲՈՀ-ի հայոց պատմության 004 մասնագիտական խորհրդի նիստ:

ՕՐԱԿԱՐԳ

Վրեժ Հարությունյանի «Բարեգործական ընկերությունների և բարերարների գործունեությունը Շուշիում XIX դարի երկրորդ կեսին և XX դարի սկզբին» թեկնածուական ատենախոսության հրապարակային պաշտպանություն

Պաշտոնական ընդդիմախոսներ`  պ.գ.դ. պրոֆ., Աբրահամյան Հ.Բ.
                                                    պ.գ.թ. Հարությունյան Մ. Գ.

 

Առաջատար կազմակերպություն՝ Երևանի պետական համալսարան

 

Բեռնել սեղմագիրը

ԻՆՍՏԻՏՈՒՏԻ ԵՐԻՏԱՍԱՐԴ ՊԱՏՄԱԲԱՆՆԵՐԸ ՄԱՍՆԱԿՑԵՑԻՆ ՄՈՍԿՎԱՅՈՒՄ ԿԱԶՄԱԿԵՐՊՎԱԾ ՄԻՋԱԶԳԱՅԻՆ ԴՊՐՈՑԻՆ

2017 թ. սեպտեմբերի 22–28-ը Մոսկվայում տեղի ունեցավ երիտասարդ պատմաբանների հերթական միջազգային դպրոցը՝ «XX դարի պատմության բարդ հիմնահարցերը» թեմայով, որը կազմակերպվել էր Ռուսաստանի գիտությունների ակադեմիայի Համաշխարհային պատմության ինստիտուտի (ՌԳԱ ՀՊԻ) և Հումանիտար գիտությունների պետական ակադեմիական համալսարանի կողմից (ՀԳՊԱՀ)` ՌԴ կրթության և գիտության նախարարության աջակցությամբ:

Այս տարի դպրոցի մասնակիցները ընտրվել էին մրցութային կարգով: 36 երիտասարդ գիտնականների թվում դպրոցի աշխատանքներին մասնակցեցին մեր ինստիտուտի աշխատակիցներ Նինետա Ադամյանը և Ջեննի Թամարյանը:

ՀՀ ԳԱԱ պատմության ինստիտուտ ՊՈԱԿ-ը հայտարարում է մրցույթ ինստիտուտի Հին դարերի պատմության բաժնի վարիչի թափուր պաշտոնը զբաղեցնելու համար.

Մրցույթին կարող են մասնակցել Հայաստանի Հանրապետության այն քաղաքացիները, ովքեր ունեն՝

ա) պատմական գիտությունների թեկնածուի կամ դոկտորի գիտական աստիճան,

բ) գիտական գործունեության առնվազն 10 տարվա փորձ,

գ) վերջին 5 տարվա ընթացքում հեղինակ է առնվազն գիտական 10 աշխատության:

ՀՀ ԳԱԱ պատմության ինստիտուտ ՊՈԱԿ-ի Հին դարերի պատմության բաժնի վարիչի թափուր պաշտոնի մրցույթին մասնակցելու համար անհրաժեշտ է ներկայացնել հետևյալ փաստաթղթերը՝

ա) գրավոր դիմում,

բ) երկու լուսանկար՝ ¾ չափի,

գ) քաղվածք աշխատանքային գրքույկից,

դ) ինքնակենսագրություն,

ե) անձնագրի պատճեն,

զ) թեկնածուի կամ դոկտորի գիտական աստիճանը հավաստող փաստաթուղթ,

է) կադրերի հաշվառման անձնական թերթիկ՝ լրացված,

ը) բնութագիր վերջին աշխատավայրից,

թ) հրատարակված աշխատությունների ցանկ` հաստատված համապատասխան կարգով,

Մրցույթին մասնակցելու համար դիմումներն անհրաժեշտ է ներկայացնել սույն հայտարարության հրապարակման օրվանից սկսած մեկ ամսվա ընթացքում (բացի շաբաթ և կիրակի օրերից) Պատմության ինստիտուտի գիտքարտուղարին:

Հասցեն`Երևան, Մ. Բաղրամյան պողոտա 24/4, հեռախոս՝ 010581931:

 

Ռուսաստանի և Նոր Նախիջևանի հայոց թեմի 300-ամյակ. պատմություն և արդիականություն. միջազգային գիտաժողով, Մոսկվա, 15-16 սեպտեմբերի, 2017

Հայ առաքելական եկեղեցու Ռուսաստանի և Նոր Նախիջևանի թեմի առաջնորդանիստում՝ Մոսկվայի հայկական համալիրում Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի գլխավորությամբ սեպտեմբերի 15-ին պաշտոնապես բացվել է «Ռուսաստանի և Նոր Նախիջևանի հայոց թեմի 300-ամյակ. պատմություն և արդիականություն» խորագիրը կրող միջազգային գիտաժողովը: Նորին Սրբությունն ուրախությամբ արձանագրեց այսօր Ռուսաստանի և Նոր Նախիջևանի Հայոց թեմի եկեղեցաշեն և ազգանպաստ առաքելության զարգացումը` առաջնորդ Տ. Եզրաս արքեպիսկոպոս Ներսիսյանի գլխավորությամբ: Իր բարձր գոհունակությունը արտահայտելով գիտաժողովի կազմակերպիչներին ու աջակիցներին` Հայոց Հայրապետն այս գիտաժողովը լավագույն առիթ համարեց` նոր ժամանակների հրամայականներին ընդառաջ վերանայելու և վերարծածելու թեմում Հայոց Եկեղեցու գործունեության անցյալի ձեռքբերումները: Վերջում աղոթելով երկու ժողովուրդների բարեկամության ամրապնդման, Հայաստանի և Ռուսաստանի փոխհարաբերությունների ու համագործակցության արգասավորման համար` Նորին Սրբությունը մաղթեց, որ Աստված իր Սուրբ Աջով օրհնի Հայոց թեմի եկեղեցանվեր, հայրենաշեն ու ազգանպաստ բոլոր բարի ջանքերն ու իրագործումները:

ՎԼԱԴԻՄԻՐ ԲԱՐԽՈՒԴԱՐՅԱՆԻ ԾՆՆԴՅԱՆ 90-ԱՄՅԱԿԻՆ ՆՎԻՐՎԱԾ ՄԻՋՈՑԱՌՈՒՄՆԵՐ

Սեպտեմբերի 22-ին տեղի ունեցավ անվանի պատմաբան, ՀՀ ԳԱԱ ակադեմիկոս Վլադիմիր Բախշիի Բարխուդարյանի ծննդյան 90-ամյակին նվիրված միջոցառումների շարք:

 


Օրակարգում՝