Ս. թ. սեպտեմբերի 29-30-ին Սանկտ Պետերբուրգում 18 երկրների ներկայացուցիչների մասնակցությամբ անցկացվեց միջազգային գիտաժողով՝ նվիրված դպրոցական դասագրքերում պատմություն առակայի դասավանդման խնդիրներին։ Գիտաժողովի բացմանը ողջույնի խոսքով հանդես եկան ՌԴ գիտությունների ակադեմիայի համաշխարհային պատմության ինստիտուտի գիտական ղեկավար, ակադեմիկոս Ալեքսանդր Չուբարյանը, Սանկտ Պետերբուրգի իշխանությունների ներկայացուցիչներ։

ՀՀ ԳԱԱ պատմության ինստիտուտի նիստերի դահլիճում տեղի ունեցավ բելգրադյան «Պեշիչ և որդիներ» հրատարակչատան տնօրեն, լեզվաբան, հրապարակագիր Վեսնա Պեշիչի (Սերբիա) «Կոչիր ինձ Գարուն» (վեպ Հայաստանի և հայերի մասին) գրքի շնորհանդեսը։

Սույն թվականի սեպտեմբերի 22-ին ՀՀ ԳԱԱ-ում տեղի ունեցավ ՀՀ ԳԱԱ պատմության ինստիտուտի և ՍԴՀԿ-Ի համատեղ կազմակերպած «ՍԴՀԿ 135-ամյակ-ազատագրական պայքարից՝ անկախ պետականություն» գիտաժողովը։

ՀՀ ԳԱԱ Պատմության ինստիտուտը 2022 թ. նոյեմբերի 4-ին կազմակերպում է III միջազգային գիտաժողովը՝ «Օտար աղբյուրները հայկական գաղթավայրերի մասին»  խորագրով: Այն նվիրված է Հալեպի «Քարեն Եփփէ» ազգային ճեմարանի հիմնադրման 75-ամյակին:

Մասնակցել ցանկացողները մինչև սույն թվականի սեպտեմբերի 20 պետք է  «Հայ գաղթօջախների և Սփյուռքի պատմության» բաժին ներկայացնեն զեկուցման հիմնադրույթները 1 էջի սահմաններում՝ ներառյալ զեկուցման թեման, մասնակցի անունը և ազգանունը, ինչպես նաև այն հաստատությունը, որը ներկայացնում է զեկուցողը (անկախ հետազոտողները նույնպես կարող են մասնակցել): 10-օրյա  ժամկետում հեղինակներին կտեղեկացվի իրենց թեմաների ընտրության վերաբերյալ:

Օգոստոսի 23֊25-ին ՀՀ ԳԱԱ պատվիրակությունն ակադեմիական վեց ինստիտուտների տնօրենների մասնակցությամբ և ԳԱԱ նախագահ Աշոտ Սաղյանի գլխավորությամբ այցելեց Արցախի Հանրապետություն։ Պատվիրակությունն այցելեց Բերձորի Սուրբ Համբարձման եկեղեցի, հանդիպումներ ունեցավ Արցախի գիտական կենտրոնի անձնակազմի, հանրապետության պաշտոնական շրջանակների հետ։