Ս․ թ․ նոյեմբերի 24-ին գիտական համագործակցության պայմանագիր կնքվեց ՀՀ ԳԱԱ պատմության ինստիտուտի և Աստրախանի պետական համալսարանի միջև։ 

Նոյեմբրի 26-ին Արցախի Հանրապետության Ազգային ժողովի նիստերի դահլիճում կայացավ «Արցախյան հիմնախնդիրը արդի քաղաքական գործընթացների հոլովույթում» գիտագործնական կոնֆերանսը, որը կազմակերպել էին Արցախի ԿԳՄՍ-ն և ՀՀ ԳԱԱ պամության ինստիտուտը:

2022 թվականի նոյեմբերի 8-ին ՀՀ ԳԱԱ պատմության ինստիտուտի նիստերի դահլիճում տեղի ունեցավ «Օտար աղբյուրները հայկական գաղթավայրերի մասին» միջազգային 3-րդ գիտաժողովը, որը նվիրված էր Հալեպի «Քարէն Եփփէ» ազգային ճեմարանի հիմնադրման 75-ամյակին։  

2022 թ. նոյեմբերի 1-­ին, ՀՀ ԳԱԱ պատմության ինստիտուտի նիստերի դահլիճում տեղի ունեցավ Գիտությունների Ազգային Ակադեմիայի ար­տասահմանյան անդամ, պատմական գիտությունների դոկտոր Կլոդ-Արմեն Մութաֆյանի «Երուսաղեմը եւ հայերը՝ մինչեւ օսմանյան տիրապետություն (1516 թ.)» գրքի շնորհանդեսը։

ՀՀ ԳԱԱ նախագահության նիստերի դահլիճում տեղի ունեցավ Պարույր Հակոբյանի «Տառապանքներով լեցուն կյանքիս մասին» հուշագրության շնորհանդեսը։

Գիրքը հանգամանորեն ներկայացրեց հուշագրության առաջաբանի և ծանոթագրությունների հեղինակ, ՀՀ ԳԱԱ պատմության ինստիտուտի տնօրեն, ակադ. Աշոտ Մելքոնյանը։

Ելույթներով հանդես եկան ակադ. Յուրի Սուվարյանը, պրոֆեսոր Գևորգ Ստեփանյանը, պ.գ.թ .պ.գ.թ., դոցենտ Համո Սուքիասյանը, գիտաշխատող Արմեն Ասատրյանը։ Նրանք ընդգծեցին գրքի բացառիկ կարևորությունը Հայաստանի  20- րդ դարի առաջին քառասնամյակի պատմության ուսումնասիրության բնագավառում։ Ամփոփիչ խոսքով հանդես եկավ գրքի հեղինակի որդին՝ ՀՀ ԳԱԱ ակադեմիկոս Վիլեն Պարույրի Հակոբյանը։

ՀՀ ԳԱԱ ՊԻ ՍՓՅՈՒՌՔԻ ԵՎ ՀԱՅԿԱԿԱՆ ԳԱՂԹՕՋԱԽՆԵՐԻ ՊԱՏՄՈՒԹՅԱՆ ԲԱԺՆԻ ՈՒ ՀԱՅԿԱԿԱՆ ՀԱՐՑԻ ԵՎ ՀԱՅՈՑ ՑԵՂԱՍՊԱՆՈՒԹՅԱՆ ՊԱՏՄՈՒԹՅԱՆ ԲԱԺԻՆ ՀԱՄԱՏԵՂ ՆԱԽԱՁԵՌՆՈՒԹՅԱՄԲ ՏԵՂԻ ԿՈՒՆԵՆԱ «ՀԱՅ ՈՐԲԵՐԸ ՈՐՊԵՍ ՑԵՂԱՍՊԱՆՈՒԹՅԱՆ ԶՈՀԵՐ»  ԿԼՈՐ ՍԵՂԱՆ-ՔՆՆԱՐԿՈՒՄ։