Միջազգային գիտաժողով
Բաժին՝
Ս. թ. հոկտեմբերի 11-ին ՀՀ ԳԱԱ նախագահության նիստերի դահլիճում տեղի ունեցավ «Կայսրությունների սահմանները. ինքնությունները համաշխարհային համակարգերի սահմաններում» խորագրով միջազգային գիտաժողով։
Գիտաժողովը կազմակերպվել էր Հայ-ռուսական համալսարանի Համաշխարհային պատմության և արտասահմանյան տարածաշրջանային ուսումնասիրությունների ամբիոնի վարիչ, ՀՀ ԳԱԱ Պատմության ինստիտուտի ավագ գիտաշխատող Երվանդ Մարգարյանի նախաձեռնությամբ:
ՀՀ ԳԱԱ պատմության ինստիտուտից զեկուցումով հանդես եկավ գիտաշխատող Զոհրաբ Գևորգյանը:
Սույն թվականի հոկտեմբերի 11-ին ՀՀ ԳԱԱ պատմության ինստիտուտի նիստերի դահլիճում տեղի ունեցավ «Ուծացման հիմնախնդիրները և մարտահրավերներն արդի սփյուռքում» խորագրով կլոր սեղան-քննարկում:
Կլոր սեղան-քննարկումը կազմակերպվել էր ՀՀ ԳԱԱ ՊԻ Սփյուռքի և հայկական գաղթօջախների պատմության բաժնի նախաձեռնությամբ:
Ս. թ. հոկտեմբերի 11-ին ՀՀ ԳԱԱ պատմության նիստերի դահլիճում շրջանառության մեջ դրվեց «Հայոց պատմություն. «Մշակ» շաբաթաթերթի հիմնադրման 150-ամյակ» թեմային նվիրված 1 նամականիշով երկկողմանի փոստային բացիկը: Փոստային բացիկի մարումն իրականացրեցին Հայաստանի Հանրապետության բարձր տեխնոլոգիական արդյունաբերության նախարարի տեղեկալ Դավիթ Սահակյանը, Հայաստանի Հանրապետության կրթության, գիտության, մշակույթի և սպորտի նախարարի տեղակալ Արայիկ Խզմալյանը, «ՀայՓոստ» ընկերության գլխավոր գործադիր տնօրենի պաշտոնակատար Արայիկ Աբրահամյանը, ՀՀ ԳԱԱ հայ պարբերական մամուլի և հասարակական մտքի պատմության բաժնի վարիչ Ալբերտ Խառատյանը, Ֆիլատելիստների հայկական ասոցիացիայի նախագահ Հովիկ Մուսայելյանը:
Սույն թվականի հոկտեմբերի 4-ին ՀՀ ԳԱԱ պատմության ինստիտուտի նիստերի դահլիճում տեղի ունեցավ «Կիլիկիայի հայությունը 1908-1922 ԹԹ․» խորագրով միջազգային գիտաժողով։ Գիտաժողովը կազմակերպվել էր ՀՀ ԳԱԱ ՊԻ Նոր պատմության բաժնի նախաձեռնությամբ:
