2019 թ. սեպտեմբերի 20-21-ին Մոսկվայում՝ տաճարական համալիրում տեղի ունեցավ Հայ Առաքելական Ս. Եկեղեցու Ռուսաստանի և Նոր Նախիջևանի հայոց թեմի Հայագիտական Կենտրոնի հրավիրած «Национальная классика в мировом художественном контексте. 150-летним юбилеям Комитаса и Ованеса Туманяна посвящается» խորագրով միջազգային գիտաժողովը:
Հայաստանի պատմության պետական թանգարանում կայացավ Սեդա Գալստյանի «Տաճատ Հովակիմյան. Սարդարապատի հերոսը» գրքի շնորհանդեսը։ Գիրքը ներկայացրեց առաջաբանի հեղինակ, ՀՀ ԳԱԱ պատմության ինստիտուտի տնօրեն Աշոտ Մելքոնյանը։
Գիտաժողովում զեկուցումներով հանդես եկան նաև ՀՀ ԳԱԱ պատմության ինստիտուտի տնօրեն Աշոտ Մելքոնյանը («Հայոց լեզվի զարգացման գործընթացը. պատմաքննական ակնարկ»), բաժնի վարիչ, պ.գ.դ. Արմեն Մարուքյանը («Մեծ եղեռնի արձագանքները 1915 թ. հայալեզու և օտարալեզու մամուլի էջերում») և Երիտասարդ գիտաշխատողների խորհրդի նախագահ, պ.գ.թ. Համո Սուքիասյանը («Հայագիտական ուսումնասիրությունների սկզբնավորումը Խորհրդային Հայաստանում»)։
2019 թ. սեպտեմբերի 11-ին Երևանում Լոմոնոսովի անվան Մոսկվայի Պետական Համալսարանի երևանյան մասնաճյուղի դահլիճում կայացած «Աշխարհը Երկրորդ համաշխարհային պատերազմի նախօրեին» խորագրով գիտաժողովին` նվիրված պատերազմի սկզբի 80-ամյակին, մասնակցեցին ինստիտուտի փոխտնօրեն, պ․գ․դ․, պրոֆեսոր Կարեն Խաչատրյանը և առաջատար գիտաշխատող, պ․գ․դ․, պրոֆեսոր Վալերի Թունյանը:
2019 թ. սեպտեմբերի 2–6–ը Ռումինիայի Ակադեմիայի Հարավ–արևելաեվրոպական հետազոտությունների ինստիտուտի տնօրեն, դոկտոր Անդրեյ Տիմոտինի պաշտոնական հրավերով ինստիտուտի փոխտնօրեն, պ.գ.դ., պրոֆեսոր Կարեն Խաչատրյանը մասնակցել է Բուխարեստում տեղի ունեցած «Հարավ–արևելաեվրոպական ուսումնասիրությունների 12–րդ միջազգային համաժողովին»:
