2018 թ. օգոստոսի 26-ից 28-ը ՀՀ պաշտպանության նախարարությանը կից հասարակական խորհրդի (նախագահ Գեղամ Հարությունյան) կողմից կազմակերպվեց հերթական այցելու­թյունը Արցախի Հանրապետության պաշտպանության բանակի զորամասեր: Օգոստոսի 27-ին դասախոսական խմբի անդամները տարբեր զորամասերում ներկայացրին Հայաստանի Առաջին Հանրապետության պատմությանը նվիրված դասախո­սություններ:

Նույն օրը, ժամը 17-ին դասախոսական կազ­մին և հասարակական խորհրդի անդամներին ընդունեցին Արցախի Հան­րապետության նախագահ Բակո Սահակյանը և ԱՀ պաշտպանության բանակի հրամանատար, գեներալ Լևոն Մնացականյանը: Հանդիպումը մեկ­նարկեց անակնկալ, սակայն հաճելի արարողությամբ: Պաշտպանության բանակի զինծա­ռա­յողների ռազմահայրենասիրական դաստիարակության գործում ներդրած ավանդի համար «Պատմության և մշակույթի էջեր» ծրագրի մասնակից դասախոսական կազմի 15 անդամներ, որոնց մեծ մասը ՀՀ ԳԱԱ պատմության ինստիտուտի աշխատակիցիներ էին, պարգևա­տրվեցին մեդալներով:

բեռնել

2018 թ. հուլիսի 15-21-ը Ղրղզստանի Հանրապետությունում կայացավ ԱՊՀ երկրների երիտասարդ պատմաբանների հերթական` 10-րդ հոբելյանական ամառային դպրոցը՝ «Քաղաքացիական կռիվների բացառիկությունը պատմության մեջ» թեմայով: Այն կազմակերպել էին Ղրղզստանի ԳԱԱ պատմության և մշակութային ժառանգության ինստիտուտը, ՌԴ ԳԱԱ համաշխարհային պատմության ինստիտուտը, ԱՊՀ երկրների Հումանիտար համագործակցության միջպետական հիմնադրամը և ԱՊՀ երկրների պատմության ինստիտուտների միջազգային ասոցիացիան:

Երեքշաբթի 17 Յուլիս 2018 թ. Պատմութեան ինստիտուտի տնօրէն՝ ակադեմիկոս Աշոտ Մելքոնեանը իր գրասենեակին մէջ ընդունեց Իրաքի մէջ Քրդական Ուսումնասիրութիւններու Ինստիտուտի տնօրէն դօքտ. Ջուադ Էլ-Բէյդանին, որ երկրորդ անգամ ըլլալով այցելութեան կուգար Հայաստան: Ողջոյնի խօսքեր  փոխանակելէն ետք, քննարկուեցան շարք մը խնդիրներ, որոնք կը հետաքրքրեն երկու կողմերուն հաւասարապէս: Զրոյցին ներկայ էին Պատմութեան ինստիտուտի աշխատակից Սեդա Օհանեանը և Իրաքահայ պատմաբան Արա Աշճեանը:

2018 թ. հուլիսի 4-7-ը Ֆրանսիայի Մարսել քաղաքում տեղի ունեցավ «Ցեղասպանություն և զանգվածային բռնություն. ախտորոշում, բուժում և վերականգնում» միջազգային գիտաժողովը, որը կազմակերպվել էր Aix-Marseille համալսարանի բժշկական ֆակուլտետի նախաձեռնությամբ: Գիտաժողովին մասնակցում էին շուրջ 150 մասնագետներ:

Սույն թվականի հունիսի 28-30-ը Մեսրոպ Մաշտոցի անվան Մատենադարանի նիստերի դահլիճում տեղի ունեցավ Մատենադարանի հիմնադիր տնօրեն, ակադեմիկոս Լևոն Խաչիկյանի ծննդյան 100-ամյակին նվիրված միջազգային գիտաժողով: Գիտաժողովը նախագահում էր Մատենադարանի տնօրեն, պատմական գիտությունների դոկտոր Վահան Տեր-Ղևոնդյանը: