Գիտաժողովին կարող են մասնակցել մինչև 35 տարեկան պատմաբանները: Մասնակցել ցանկացողները պետք է մինչև ս./թ. հունիսի 25-ը զեկուցման հիմնադրույթն ուղարկեն Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ էլ. փոստին, կամ էլ ներկայացնեն Ինստիտուտի գիտքարտուղար Հակոբ Մուրադյանին կամ Երիտասարդ գիտաշխատողների խորհրդի նախագահ Համո Սուքիասյանին:

2017 թ. մայիսի 23-ին տեղի ունեցավ ՀՀ ԳԱԱ պատմության ինստիտուտի երիտասարդ գիտաշխատողների խորհրդի նիստ:
Խորհրդի նախագահ Համո Սուքիասյանը ներկայացրեց ՀՀ ԳԱԱ պատմության ինստիտուտի երիտասարդ գիտաշխատողների 38-րդ գիտական նստաշրջանի կազմակերպմանն առնչվող խնդիրները:

Ս.թ. հունիսի 20-ին ՀՀ ԳԱԱ պատմության ինստիտուտում տեղի կունենա ինստիտուտում գործող ԲՈՀ-ի հայոց պատմության 004 մասնագիտական խորհրդի նիստ:

Լույս է տեսել «Պատասխան մերօրյա զրպարտիչներին» նյութերի և փաստաթղթերի ժողովածուն, որում ներկայացված է «Հայոց պատմություն» ակադեմիական բազմահատորյակի հեղինակների պատասխանը ՀՑԹԻ-ի տնօրենի ժ. պ. Հ. Դեմոյանի խմբագրությամբ շրջանառված «գրախոսությանը»։

Պատասխանում հանգամանորեն անդրադարձ է կատարվում հեղինակային կազմին ներկայացվող անհիմն մեղադրանքներին, ցույց տրվում դրանց զրպարտչական բնույթը, ինչպես և վտանգավորությունը ազգային շահերի տեսանկյունից։ Խնդրի կապակցությամբ հատուկ ստեղծված մասնագիտական հանձնախմբի եզրակացության և «Հայ պատմագետների միության» հայտարարության մեջ արժևորվում է «Հայոց պատմության» բազմահատորյակը, դատապարտվում «գրախոսության» խմբագրի և անանուն հեղինակների գիտական էթիկայի կանոններին ոչ հարիր գործելաոճը։ 

2017 թ. մայիսի 8-ին ԱրՊՀ-ում կայացավ գիտաժողով՝ նվիրված Շուշիի ազատագրման 25-րդ տարեդարձին: Գիտաժողովին մասնակցում էին Հայաստանի և Արցախի հանրապետությունների տարբեր կրթական հաստատություններից ներկայացուցիչներ: Գիտաժողովի մեկնարկից առաջ մասնակիցները հարգանքի տուրք են մատուցել ԱրՊՀ զոհված ուսանող-ազատամարտիկների հիշատակին, ապա մասնակցել ԱրՊՀ նախասրահում բացված ցուցահանդեսին (նվիրված էր Շուշիի ազատագրման 25-րդ տարեդարձին):

Մեծի Տանն Կիլիկիո կաթողիկոս Ն.Ս.Օ.Տ.Տ Արամ Ա-ի հովանավորությամբ և կողողիկոսարանի Կրթական-հայագիտական բաժանմունքի վարիչ Ժիրայր Դանիելյանի հրավելով ապրիլի երկրորդ կեսին Լիբանանում էր ՀՀ ԳԱԱ պատմության ինստիտիուտի տնօրեն Աշոտ Մելքոնյանը։

«Պատմության և մշակույթի էջեր» ծրագրի շրջանակներում կանոնավոր պարբերականությամբ  կազմակերպվում են մտավորականների այցելություններ Արցախի հանրապետության զորամասեր: 2017 թ. ապրիլի 8-9-ը տեղի ունեցավ պատմության ինստիտուտի աշխատակիցների հերթական այցը սահմանամերձ զորամասեր: