Նոյեմբերի 25-ին Պատմության ինստիտուտի նիստերի դահլիճում տեղի ունեցավ Հարություն Խաչատուրյանի, Լյուսի և Պատրիկ Ասլանյանների և Ժան Միշելի հեղինակած «Օսմանեան Թուրքիոյ հայ բնակավայրեր և կրոնական կալուածներ: Քանդումի ենթարկված ժառանգ մը» ֆրանսերեն գրքի շնորհանդեսը:
Հաշվի առնելով գիտական աստիճանաշնորհման երկաստիճան համակարգի ինչպես տեղական, այնպես էլ միջազգային հաջողված փորձը, տասնամյակներ շարունակ նրա արդարացված ու արդյունավետ լինելու հանգամանքը՝ ՀՀ ԳԱԱ պատմության ինստիտուտի գիտական խորհուրդն իր անհամաձայնությունն է հայտնում Հայաստանի Հանրապետության բարձրագույն կրթության մասին օրենքի նախագծում առաջ քաշված այն դրույթին, որով նախատեսվում է վերացնել գիտական աստիճանաշնորհման երկաստիճան համակարգը, և նրա՝ միաստիճանի վերածումը։
2016 թ. սեպտեմբերին ՀՀ ԳԱԱ պատմության ինստիտուտի նիստերի դահլիճում տեղի էր ունեցել հաստատության մագիստրանտ և հայցորդ, պատմական գիտությունների թեկնածու, պոլսահայ մտավորական ու մանկավարժ Արմավենի Միրօղլու Մուհթարյանի «Պոլսահայերը 1923-1939 թթ.» գրքի շնորհանդեսը: Նոյեմբերի 3-ին նույն գրքի շնորհանդեսը տեղի ունեցավ Կ. Պոլսի Եսայան վարժարանի սրահում բազմաթիվ պոլսահայ մտավորականների, հոգևոր-եկեղեցական գործիչների մասնակցությամբ:
Հոկտեմբերի 28-ին ՀՀ ԳԱԱ Պատմության ինստիտուտում տեղի ունեցավ «Օտարազգի հայագետների ավանդը Հայաստանի հին և միջնադարյան պատմության ուսումնասիրության բնագավառում» խորագիրը կրող միջազգային գիտաժողովը: Գիտաժողովում քննության առնվեց օտարազգի հայագետների դերը հայոց հին և միջնադարյան պատմության, Հայաստանի պատմական աշխարհագրության, հայկական մշակույթի և քաղաքակրթական արժեքների, ինչպես նաև տարաբնույթ այլ հարցերի հետազոտման գործում, ներկայացվեց նրանց ուսումնասիրությունների նշանակությունը արդի հայագիտության մեջ:
2016 թ. հոկտեմբերի 22-23-ը Արցախի պետական համալսարանում անցկացվեց միջազգային գիտաժողով՝ նվիրված Արցախի անկախության հռչակման 25-րդ տարեդարձին:
