Արդեն վեց և կես տարի է, ինչ ԳԱԱ Պատմության ինստիտուտի աշխատակիցները մասնակցում են ՀՀ Պաշտպանության նախարարին կից գործող Հասարակական խորհրդի կողմից իրականացվող «Պատմության և մշակույթի էջեր» ծրագրին: Այս անգամ նրանք ավելի քան 12-ն էին 30 մասնակիցների թվում:  ԳԱԱ ՊԻ տնօրեն, ակադեմիկոս Աշոտ Մելքոնյանը վկայակոչեց այն հանգամանքը, որ իրենց աշխատակիցները հոգու պարտք են համարում  նշված ծրագրին մասնակցելը: Դրան նպաստել է նաև օրեր առաջ Պաշտպանության նախարարար Վիգեն  Սարգսյանի հետ հանդիպումը:

Դեկտեմբերի 2-ին տեղի ունեցավ Պատմության ինստիտուտի տարեկան ամփոփիչ ժողովը: Ա. Մելքոնյանը ներկայացրեց ինստիտուտի՝ 2016 թ. գիտական և գիտակազմակերպչական գործունեության արդյունքները:

2016թ. նոյեմբերի 22-ին՝ ԱՄՆ նախագահ Վ.Վիլսոնի իրավարար վճռի ստորագրման օրը, ԳԱԱ-ում կայացավ «Հայոց ցեղասպանությունը և հատուցման հիմնախնդիրը» խորագրով միջազգային գիտաժողովը, որը տևեց երկու օր:

Գիտաժողովն ընթանում էր ցեղասպանության հիմնահարցերը տարբեր տեսանկյուններից ուսումնասիրող մի քանի բաժանմունքներով.

Նոյեմբերի 25-ին Պատմության ինստիտուտի նիստերի դահլիճում տեղի ունեցավ Հարություն Խաչատուրյանի, Լյուսի և Պատրիկ Ասլանյանների և Ժան Միշելի հեղինակած «Օսմանեան Թուրքիոյ հայ բնակավայրեր և կրոնական կալուածներ: Քանդումի ենթարկված ժառանգ մը» ֆրանսերեն գրքի շնորհանդեսը:  

2016 թ. դեկտեմբերի 23-ին, ժամը 14.00-ին, ՀՀ ԳԱԱ պատմության ինստիտուտում տեղի կունենա ինստիտուտում գործող ԲՈՀ-ի հայոց պատմության 004 մասնագիտական խորհրդի նիստ:

ՀՀ Գիտությունների ազգային ակադեմիայի պատմության ինստիտուտում 2016 թվականի հոկտեմբերի 25-ին տեղի ունեցավ Իրինա Բարսեղյան-Կրպեյանի «Թաթուլ Կրպեյան. Հյուսիսային Արցախի Գետաշենի ենթաշրջանի ինքնապաշտպանությունը» մենագրության շնորհանդեսը, որին ներկա էին ինստիտուտի աշխատակիցներ, ՀՀ պաշտպանության նախարարության ներկայացուցիչներ՝ պաշտպանության նախարարի առաջին տեղակալ Դավիթ Տոնոյանի գլխավորությամբ, գեներալներ, Թաթուլ Կրպեյանի մարտական ընկերներ, մշակույթի գործիչներ, լրագրողներ, հեղինակի մտերիմներ ու բարեկամներ: Պատմության ինստիտուտի տնօրեն Աշոտ Մելքոնյանը հանդես եկավ բացման խոսքով, որին հաջորդեց հեղինակի՝ Իրինա Բարսեղյան-Կրպեյանի զեկույցը, որը ներկայացնում էր մենագրության համառոտ բովանդակությունը:

Հաշվի առնելով գիտական աստիճանաշնորհման երկաստիճան համակարգի ինչպես տեղական, այնպես էլ միջազգային հաջողված փորձը, տասնամյակներ շարունակ նրա արդարացված ու արդյունավետ լինելու հանգամանքը՝ ՀՀ ԳԱԱ պատմության ինստիտուտի գիտական խորհուրդն իր անհամաձայնությունն է հայտնում Հայաստանի Հանրապետության բարձրագույն կրթության մասին օրենքի նախագծում առաջ քաշված այն դրույթին, որով նախատեսվում է վերացնել գիտական աստիճանաշնորհման երկաստիճան համակարգը, և նրա՝ միաստիճանի վերածումը։