ՀՀ ԳԱԱ պատմության ինստիտուտի հրավերով Հայաստանում էր գտնվում Ռումինիայի գիտությունների ազգային ակադեմիայի Հարավարևելյան Եվրոպայի երկրների հետազոտությունների ինստիտուտի տնօրեն, դոկտոր Անդրեյ Թիմոթինը: Հունիսի 7-9-ին նա մասնակցեց Արևելագիտության ինստիտուտում կայացած միջազգային գիտաժողովին` նվիրված հայազգի դիվանագետ Մանուկ Բեյ Միրզայանի հիշատակին: Հունիսի 11-ին նա դասախոսություններով հանդես եկավ ՀՀ ԳԱԱ ինստիտուտում «Հարավարևելյան Եվրոպայի երկրների պատմության ուսումնասիրությունը Ռումինիայում» թեմայով:

2018 թ. մայիսի 31-ից հունիսի 1-ը «Վեմ» համահայկական հանդեսի (խմբագիր Գևորգ Ս. Խուդինյան) նախաձեռնությամբ, Հայաստանի Ամերիկյան համալսարանի Փարմազ Ավետիսյան մասնաշենքի` «Ալեք և Մարի Մանուկյան» սրահում, տեղի ունեցավ գիտաժողով:

2018թ. մայիսի 29-30-ին Բեյրութում՝ Հայկազեան Համալսարանում, տեղի ունեցավ «Եգիպտոսի, Սուտանի և Եթովպիոյ հայերը» խորագիրը կրող գիտաժողովի երկրորդ փուլը՝ Բ. բաժինը:

2018 թ. մայիսի 25-26-ին Երևանում տեղի ունեցավ ՀՀ սփյուռքի նախարարության, ՀՀ գիտությունների ազգային ակադեմիայի և Երևանի պետական համալսարանի նախաձեռնած «Հայաստանի Հանրապետություն - 100» խորագրով միջազգային գիտաժողովը՝ նվիրված հայոց անկախ պետականության վերականգնման հարյուրամյակին: Նրա աշխատանքներին մասնակցեցին շուրջ յոթ տասնյակ հայ և օտարազգի գիտնականներ, որոնք ներկայացնում էին Հայաստանը, ԼՂՀ-ը, ԱՄՆ-ը, Վրաստանը, Ռուսաստանը, Լիբանանն ու Գերմանիան:

2018թ. հուլիսի 3-ին ՀՀ ԳԱԱ պատմության ինստիտուտում տեղի կունենա ինստիտուտում գործող ԲՈՀ-ի հայոց պատմության 004 մասնագիտական խորհրդի նիստ:

ОՐԱԿԱՐԳ

Նժդեհ Հովսեփյանի «Միջկուսակցական հարաբերությունները Հայաստանի Հանրապետությունում 1991-2001թթ.» թեկնածուական ատենախոսության հրապարակային պաշտպանություն

2018 թ հուլիսի 3-ին ՀՀ ԳԱԱ պատմության ինստիտուտում տեղի կունենա ինստիտուտում գործող ԲՈՀ-ի հայոց պատմության 004 մասնագիտական խորհրդի նիստ:

ОՐԱԿԱՐԳ

Գեորգի Միրզաբեկյանի «1590 թ. Երևանի  վիլայեթի և 1728 թ. Երևանի լիվայի ու  նրա հյուսիսային հարակից շրջանի օսմանյան աշխարհագրերը» թեկնածուական ատենախոսության հրապարակային պաշտպանություն

Սույն թվականի մայիսին կազմակերպվեցին գիտաժողովներ՝ նվիրված Հայաստանի Հանրա­­­­պետության  և մայիսյան հերոսամարտերի 100-ամյակին. ամսի 5-6-ին Նորթրիջի Կալիֆորնիայի պետական համալսարանում, 7-ին՝ Սան Ֆրանցիսկոյում (կազմակերպված Բերկլիի համալսարանի նախաձեռնությամբ), 11-12-ին` Նյու Յորքի «Կոլումբիա» համալսարանում: Գիտական զեկուցումներով հանդես եկան բազմաթիվ գիտնականներ: Հայաստանից մասնակցություն բերեցին ՀՀ ԳԱԱ արևելագիտության ինստիտուտի տնօրեն Ռուբեն Սաֆրաստյանը, ՀՀ ազգային  արխիվի տնօրեն Ամատունի Վիրաբյանը, Արցախից՝ Լեռնիկ Հովհաննիսյանը: