2017 թ. սեպտեմբերի 22–28-ը Մոսկվայում տեղի ունեցավ երիտասարդ պատմաբանների հերթական միջազգային դպրոցը՝ «XX դարի պատմության բարդ հիմնահարցերը» թեմայով, որը կազմակերպվել էր Ռուսաստանի գիտությունների ակադեմիայի Համաշխարհային պատմության ինստիտուտի (ՌԳԱ ՀՊԻ) և Հումանիտար գիտությունների պետական ակադեմիական համալսարանի կողմից (ՀԳՊԱՀ)` ՌԴ կրթության և գիտության նախարարության աջակցությամբ:

Այս տարի դպրոցի մասնակիցները ընտրվել էին մրցութային կարգով: 36 երիտասարդ գիտնականների թվում դպրոցի աշխատանքներին մասնակցեցին մեր ինստիտուտի աշխատակիցներ Նինետա Ադամյանը և Ջեննի Թամարյանը:

Մրցույթին կարող են մասնակցել Հայաստանի Հանրապետության այն քաղաքացիները, ովքեր ունեն՝

ա) պատմական գիտությունների թեկնածուի կամ դոկտորի գիտական աստիճան,

բ) գիտական գործունեության առնվազն 10 տարվա փորձ,

գ) վերջին 5 տարվա ընթացքում հեղինակ է առնվազն գիտական 10 աշխատության:

ՀՀ ԳԱԱ պատմության ինստիտուտ ՊՈԱԿ-ի Հին դարերի պատմության բաժնի վարիչի թափուր պաշտոնի մրցույթին մասնակցելու համար անհրաժեշտ է ներկայացնել հետևյալ փաստաթղթերը՝

ա) գրավոր դիմում,

բ) երկու լուսանկար՝ ¾ չափի,

գ) քաղվածք աշխատանքային գրքույկից,

դ) ինքնակենսագրություն,

ե) անձնագրի պատճեն,

զ) թեկնածուի կամ դոկտորի գիտական աստիճանը հավաստող փաստաթուղթ,

է) կադրերի հաշվառման անձնական թերթիկ՝ լրացված,

ը) բնութագիր վերջին աշխատավայրից,

թ) հրատարակված աշխատությունների ցանկ` հաստատված համապատասխան կարգով,

Մրցույթին մասնակցելու համար դիմումներն անհրաժեշտ է ներկայացնել սույն հայտարարության հրապարակման օրվանից սկսած մեկ ամսվա ընթացքում (բացի շաբաթ և կիրակի օրերից) Պատմության ինստիտուտի գիտքարտուղարին:

Հասցեն`Երևան, Մ. Բաղրամյան պողոտա 24/4, հեռախոս՝ 010581931:

Հայ առաքելական եկեղեցու Ռուսաստանի և Նոր Նախիջևանի թեմի առաջնորդանիստում՝ Մոսկվայի հայկական համալիրում Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի գլխավորությամբ սեպտեմբերի 15-ին պաշտոնապես բացվել է «Ռուսաստանի և Նոր Նախիջևանի հայոց թեմի 300-ամյակ. պատմություն և արդիականություն» խորագիրը կրող միջազգային գիտաժողովը: Նորին Սրբությունն ուրախությամբ արձանագրեց այսօր Ռուսաստանի և Նոր Նախիջևանի Հայոց թեմի եկեղեցաշեն և ազգանպաստ առաքելության զարգացումը` առաջնորդ Տ. Եզրաս արքեպիսկոպոս Ներսիսյանի գլխավորությամբ: Իր բարձր գոհունակությունը արտահայտելով գիտաժողովի կազմակերպիչներին ու աջակիցներին` Հայոց Հայրապետն այս գիտաժողովը լավագույն առիթ համարեց` նոր ժամանակների հրամայականներին ընդառաջ վերանայելու և վերարծածելու թեմում Հայոց Եկեղեցու գործունեության անցյալի ձեռքբերումները: Վերջում աղոթելով երկու ժողովուրդների բարեկամության ամրապնդման, Հայաստանի և Ռուսաստանի փոխհարաբերությունների ու համագործակցության արգասավորման համար` Նորին Սրբությունը մաղթեց, որ Աստված իր Սուրբ Աջով օրհնի Հայոց թեմի եկեղեցանվեր, հայրենաշեն ու ազգանպաստ բոլոր բարի ջանքերն ու իրագործումները:

Սեպտեմբերի 22-ին տեղի ունեցավ անվանի պատմաբան, ՀՀ ԳԱԱ ակադեմիկոս Վլադիմիր Բախշիի Բարխուդարյանի ծննդյան 90-ամյակին նվիրված միջոցառումների շարք:

Օրակարգում՝

ՀՀ ԳԱԱ պատմության ինստիտուտի փոխտնօրեն, պ.գ.դ., պրոֆ. Կ. Խաչատրյանի հարցազրույցը "Ноев Ковчег" ամսագրին: 

http://noev-kovcheg.ru/mag/2017-09/5911.html 

Հուլիսի 29-30-ին ՀՀ պաշտպանության նախարարին կից հասարակական խորհուրդը (նախագահ Գեղամ Հարությունյան) կազմակերպել էր դասախոսական խմբի հերթական այցը Արցախի Պաշտպանության բանակ: