Ապրիլի 22-23-ին Մոսկվայում Ռուսաստանի Գիտությունների ակադեմիայի Ընդհանուր պատմության ինստիտուտի նախաձեռնությամբ անցկացվեց միջազգային գիտաժողով` նվիրված Հայրենական մեծ պատերազմում և Երկրորդ աշխարհամարտում տարած հաղթանակի 80-ամյակին` ավելի քան 20 երկրների մասնագետների մասնակցությամբ:

Սույն թվականի ապրիլի 10-ին համագործակցության հուշագիր է կնքվել ՀՀ ԳԱԱ պատմության ինստիտուտի և Ավստրիայի Իննսբրուկի համալսարանի Հին պատմության և Հին Մերձավոր Արևելքի հետազոտությունների ինստիտուտի միջև։ Համագործակցությունը ենթադրում է համատեղ գիտաժողովների կազմակերպում, գիտական աշխատանքների հրատարակում, գիտաշխատողների փոխանակում և մի շարք այլ կետեր, որոնք միտված են Հին Հայաստանի պատմության համակողմանի ուսումնասիրությանը։

ՀՀ ԳԱԱ Պատմության ինստիտուտի Ընդհանուր և Նորագույն պատմության բաժինները հրավիրում են մասնակցելու «Հայ ժողովուրդը Երկրորդ համաշխարհային և Հայրենական մեծ պատերազմներում. չլուսաբանված հերոսական էջեր» խորագրով միջազգային գիտաժողովին, որը տեղի կունենա 2025 թվականի մայիսի 6-ին:

Հայտի ընդունման պայմաններ

Գիտաժողովին մասնակցելու համար անհրաժեշտ է ուղարկել լրացված մասնակցության հայտը (հավելված 1) և զեկուցման համառոտ ամփոփագիրը (200-300 բառ) Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։/ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ հասցեներին մինչև 2025 թ. ապրիլի 28-ը։

Գիտաժողովի աշխատանքային լեզուներն են՝ հայերեն, անգլերեն և ռուսերեն:

Հայտաձևը՝ ստորև

https://docs.google.com/document/d/1u5jx3d5HUCJ9YI6H4SWzaRSmWgQDaOAL/edit

ՀՀ ԳԱԱ պատմության ինստիտուտի տնօրեն Ա․ Մելքոնյանը  և ՌԴ ԳԱ «Կալմիկայի գիտական կենտրոնի» տնօրեն  Վ․Վ․ Կուկանովան ստորագրեցին երկու կառույցների միջև համագործակցության համաձայնագիր, որի նպատակը երկարաժամկետ գիտահետազոտական աշխատանքների իրականացումն է։