ՀՀ ԳԱԱ պատմության ինստիտուտի նիստերի դահլիճում տեղի ունեցավ «Պատմական սկզբնաղբյուրները հայկական գաղթավայրերի մասին» խորագրով միջազգային առկա և առցանց գիտաժողով՝ նվիրված Վարդգես Միքայելյանի 100-ամյակին: Ինստիտուտի աշխատակիցներից բացի, գիտաժողովին մասնակցում էին ներկայացուցիչներ նաև Եգիպտոսից (Արմինե Հակոբյան), Չեխիայից (Աննա Կարապետյան), Ռումինիայից (Արսեն Արզումանյան)։
Նոյեմբերի 11-12-ին Մոսկվայում անցկացվեց միջազգային գիտաժողով «1944 թվականը Երկրորդ համաշխարհային պատերազմի պատմության մեջ» խորոգրով, որը կազմակերպել էին ՌԴ ԳԱ Համաշխարհային պատմության ինստիտուտը և Ռուսաստանի պատմագիտական ընկերութունը: Գիտաժողովին մասնակցում էին ճանաչված գիտնականներ Ռուսաստանից, ԱՊՀ երկրներից, Եվրոպայից, ԱՄՆ-ից, Չինաստանից, Հնդկաստանից, Բրազիլիայից: ՀՀ ԳԱԱ պատմության ինստիտուտի տնօրեն, ակադեմիկոս Աշոտ Մելքոնյանը հանդես եկավ «Հայ ժողովրդի զավակները 1944 թ. Արևելյան Եվրոպայի ազատագրման համար մղված մարտերում» թեմայով: Անդրադառնալով տարբեր երկրներում խորհրդային զինվորականների հուշարձանների նկատմամբ նկատվող բարբարոսական վերաբերմունքի խնդրին` նա նշեց, որ վաղուց նման իրավիճակ գոյություն ունի Ադրբեջանի կողմից 2020-2023 թթ. բռնազավթված Արցախի տարածքում: Այնտեղ, ի թիվս հայկական պատմամշակութային բազմաթիվ կոթողների, ոչնչացվել են նաև Հայրենական մեծ պատերամին մասնակից հայորդիների, այդ թվում մարշալներ Հովհաննես Բաղրամյանի, Համազասպ Բաբաջանյանի, Սերգեյ Խանփերյանցի, շուշեցի, ԽՍՀՄ կրկնակի հերոս Նելսոն Ստեփանյանի և այլոց հուշարձանները:
ՀՀ ԳԱԱ պատմության ինստիտուտի նիստերի դահլիճում տեղի ունեցավ Հայ գաղթօջախների և սփյուռքի պատմության բաժնի գիտաշխատող, պ.գ.թ. Սեդա Օհանյանի «Լեւոն Գաբրիէլ Շաղոյեան (1887-1974)» գրքի շնորհանդեսը։
2024թ. հոկտեմբերի 29-ին ՀՀ ԳԱԱ պատմության ինստիտուտի նիստերի դահլիճում տեղի ունեցավ «Լոռե բերդից մինչև Ստեփանավան. պատմամշակութային ժառանգության հետքերով» և «ՀՀ ԳԱԱ պատմության ինստիտուտի երիտասարդ գիտաշխատողների խորհրդի XLIII գիտական նստաշրջան՝ նվիրված Սիմոն Կրկյաշարյանի ծննդյան 100-ամյակին» գիտաժողովների նյութերի ժողովածուի շնորհանդեսը:
