2024 թ. դեկտեմբերի 20-ին, ժամը 14⁰⁰-ին, ՀՀ ԳԱԱ պատմության ինստիտուտում տեղի կունենա ինստիտուտում գործող ՀՀ ԲԿԳԿ -ի Հայոց պատմության 004 մասնագիտական խորհրդի նիստ:

ОՐԱԿԱՐԳ

ՄԱՏԻՆՅԱՆ ՀԵՆՐԻԻ «ՀԱՅ-ԼԵՀԱԿԱՆ ԿԱՊԵՐԸ 1991-2018 ԹՎԱԿԱՆՆԵՐԻՆ» ԹԵԿՆԱԾՈՒԱԿԱՆ ԱՏԵՆԱԽՈՍՈՒԹՅԱՆ ՀՐԱՊԱՐԱԿԱՅԻՆ ՊԱՇՏՊԱՆՈՒԹՅՈՒՆ:

Նոյեմբերի 11-12-ին Մոսկվայում անցկացվեց միջազգային գիտաժողով «1944 թվականը Երկրորդ համաշխարհային պատերազմի պատմության մեջ» խորոգրով, որը կազմակերպել էին ՌԴ ԳԱ Համաշխարհային պատմության ինստիտուտը և Ռուսաստանի պատմագիտական ընկերութունը: Գիտաժողովին մասնակցում էին ճանաչված գիտնականներ Ռուսաստանից, ԱՊՀ երկրներից, Եվրոպայից, ԱՄՆ-ից, Չինաստանից, Հնդկաստանից, Բրազիլիայից: ՀՀ ԳԱԱ պատմության ինստիտուտի տնօրեն, ակադեմիկոս Աշոտ Մելքոնյանը հանդես եկավ «Հայ ժողովրդի զավակները 1944 թ. Արևելյան Եվրոպայի ազատագրման համար մղված մարտերում» թեմայով: Անդրադառնալով տարբեր երկրներում խորհրդային զինվորականների հուշարձանների նկատմամբ նկատվող բարբարոսական վերաբերմունքի խնդրին` նա նշեց, որ վաղուց նման իրավիճակ գոյություն ունի Ադրբեջանի կողմից 2020-2023 թթ. բռնազավթված Արցախի տարածքում: Այնտեղ, ի թիվս հայկական պատմամշակութային բազմաթիվ կոթողների, ոչնչացվել են նաև Հայրենական մեծ պատերամին մասնակից հայորդիների, այդ թվում մարշալներ Հովհաննես Բաղրամյանի, Համազասպ Բաբաջանյանի, Սերգեյ Խանփերյանցի, շուշեցի, ԽՍՀՄ կրկնակի հերոս Նելսոն Ստեփանյանի և այլոց հուշարձանները:

Ատենախոսը հանել է ատենախոսությունը պաշտպանությունից՝ բարելավման նպատակով:

ՀՀ ԳԱԱ պատմության ինստիտուտի նիստերի դահլիճում տեղի ունեցավ Հայ գաղթօջախների և սփյուռքի պատմության բաժնի գիտաշխատող, պ.գ.թ. Սեդա Օհանյանի «Լեւոն Գաբրիէլ Շաղոյեան (1887-1974)» գրքի շնորհանդեսը։

2024թ. հոկտեմբերի 29-ին ՀՀ ԳԱԱ պատմության ինստիտուտի նիստերի դահլիճում տեղի ունեցավ «Լոռե բերդից մինչև Ստեփանավան. պատմամշակութային ժառանգության հետքերով» և «ՀՀ ԳԱԱ պատմության ինստիտուտի երիտասարդ գիտաշխատողների խորհրդի XLIII գիտական նստաշրջան՝ նվիրված Սիմոն Կրկյաշարյանի ծննդյան 100-ամյակին» գիտաժողովների նյութերի ժողովածուի շնորհանդեսը:

2024 թ․ հոկտեմբերի 29-ին Պատմության ինստիտուտի Հայ գաղթօջախների և Սփյուռքի պատմության բաժնի նախաձեռնությամբ տեղի ունեցավ «Լևոն Զեքիյան 80» գրքույկի շնորհանդեսը։